vedo ka parichay hindi english

 vedon ka parichay hindi english

 matsy avataar bhagavaan vishnu ke pratham avataar hai. machhalee ke roop mein avataar lekar bhagavaan vishnu ne ek rshi ko sab prakaar ke jeev-jantu ekatrit karane ke liye kaha aur prthvee jab jal mein doob rahee thee, tab matsy avataar mein bhagavaan ne us rshi kee naav kee raksha kee. isake pashchaat brahma ne punah jeevan ka nirmaan kiya. 

 ek doosaree manyata ke anusaar ek raakshas ne jab vedon ko chura kar saagar kee athaah gaharaee mein chhupa diya, tab bhagavaan vishnu ne matsy roop dhaaran karake vedon ko praapt kiya aur unhen punah sthaapit kiya.

 matsy avataar kee katha 

ek baar brahmaajee kee asaavadhaanee ke kaaran ek bahut bade daity ne vedon ko chura liya. us daity ka naam hayagreev tha. vedon ko chura lie jaane ke kaaran gyaan lupt ho gaya. chaaron or agyaanata ka andhakaar phail gaya aur paap tatha adharm ka bolabaala ho gaya. tab bhagavaan vishnu ne dharm kee raksha ke lie matsy roop dhaaran karake hayagreev ka vadh kiya aur vedon kee raksha kee. bhagavaan ne matsy ka roop kis prakaar dhaaran kiya. 

who-killed-arjuna-full-story-in-english

life quote hindi english

flirt quote hindi english

 isakee vismayakaarinee katha is prakaar hai-

 kalpaant ke poorv ek punyaatma raaja tap kar raha tha. raaja ka naam satyavrat tha. satyavrat punyaatma to tha hee, bade udaar hrday ka bhee tha. prabhaat ka samay tha. sooryoday ho chuka tha. satyavrat krtamaala nadee mein snaan kar raha tha. usane snaan karane ke pashchaat jab tarpan ke lie anjali mein jal liya, to anjali mein jal ke saath ek chhotee-see machhalee bhee aa gaee. satyavrat ne machhalee ko nadee ke jal mein chhod diya. machhalee bolee- raajan! jal ke bade-bade jeev chhote-chhote jeevon ko maarakar kha jaate hain. avashy koee bada jeev mujhe bhee maarakar kha jaega. krpa karake mere praanon kee raksha keejie. satyavrat ke hrday mein daya utpann ho uthee. usane machhalee ko jal se bhare hue apane kamandalu mein daal liya. tabhee ek aashcharyajanak ghatana ghatee. ek raat mein machhalee ka shareer itana badh gaya ki kamandalu usake rahane ke lie chhota padane laga. doosare din machhalee satyavrat se bolee- raajan! mere rahane ke lie koee doosara sthaan dhoondhie, kyonki mera shareer badh gaya hai. mujhe ghoomane-phirane mein bada kasht hota hai. satyavrat ne machhalee ko kamandalu se nikaalakar paanee se bhare hue matake mein rakh diya. yahaan bhee machhalee ka shareer raat bhar mein hee matake mein itana badh gaya ki mataka bhee usake rahane ki lie chhota pad gaya. doosare din machhalee punah satyavrat se bolee- raajan! mere rahane ke lie kaheen aur prabandh keejie, kyonki mataka bhee mere rahane ke lie chhota pad raha hai. tab satyavrat ne machhalee ko nikaalakar ek sarovar mein daal kiya, kintu sarovar bhee machhalee ke lie chhota pad gaya. isake baad satyavrat ne machhalee ko nadee mein aur phir usake baad samudr mein daal diya. aashchary! samudr mein bhee machhalee ka shareer itana adhik badh gaya ki machhalee ke rahane ke lie vah chhota pad gaya. atah machhalee punah satyavrat se bolee- raajan! yah samudr bhee mere rahane ke lie upayukt nahin hai. mere rahane kee vyavastha kaheen aur keejie. 

 vedon ka parichay hindi english continnue...

 ab satyavrat vismit ho utha. usane aaj tak aisee machhalee kabhee nahin dekhee thee. vah vismay-bhare svar mein bola- meree buddhi ko vismay ke saagar mein dubo dene vaale aap kaun hain? 

matsy roopadhaaree shreehari ne uttar diya- raajan! hayagreev naamak daity ne vedon ko chura liya hai. jagat mein chaaron or agyaan aur adharm ka andhakaar phaila hua hai. mainne hayagreev ko maarane ke lie hee matsy ka roop dhaaran kiya hai. aaj se saataven din prthvee pralay ke chakr mein phir jaegee. samudr umad uthega. bhayaanak vrshti hogee. saaree prthvee paanee mein doob jaegee. jal ke atirikt kaheen kuchh bhee drshtigochar nahin hoga. aapake paas ek naav pahunchegee. aap sabhee anaajon aur aushadhiyon ke beejon ko lekar sapt rshiyon ke saath naav par baith jaiega. main usee samay aapako punah dikhaee padoonga aur aapako aatmatattv ka gyaan pradaan karoonga. satyavrat usee din se hari ka smaran karate hue pralay kee prateeksha karane lage. saataven din pralay ka drshy upasthit ho utha. samudr bhee umadakar apanee seemaon se baahar bahane laga. bhayaanak vrshti hone lagee. thodee hee der mein saaree prthvee par jal hee jal ho gaya. sampoorn prthvee jal mein sama gaee. usee samay ek naav dikhaee padee. satyavrat sapt rshiyon ke saath us naav par baith gae. unhonne naav ke oopar sampoorn anaajon aur aushadhiyon ke beej bhee bhar lie.  

who-killed-arjuna-full-story-in-english

life quote hindi english

flirt quote hindi english

naav pralay ke saagar mein tairane lagee. pralay ke us saagar mein us naav ke atirikt kaheen bhee kuchh bhee nahin dikhaee de raha tha. sahasa matsy roopee bhagavaan pralay ke saagar mein dikhaee pade. satyavrat aur sapt rshi gan matasy roopee bhagavaan kee praarthana karane lage 

bhagavaan se aatmagyaan paakar satyavrat ka jeevan dhany ho utha. ve jeete jee hee jeevan mukt ho gae. pralay ka prakop shaant hone par matsy roopee bhagavaan ne hayagreev ko maarakar usase ved chheen lie. bhagavaan ne brahmaajee ko punah ved de die. is prakaar bhagavaan ne matsy roop dhaaran karake vedon ka uddhaar to kiya hee, saath hee sansaar ke praaniyon ka bhee amit kalyaan kiya.